WAKATI Serikali ya awamu ya nne imekamia kuitangaza Tanzania nje, Jumanne iliyopita televisheni ya BBC juzi imeonesha program maalum yenye kuelezea maovu na vitendo vya udhalilishwaji wa binadamu vinavyofanywa nchi  Tanzania.

 

Kipindi hicho kilichorushwa kwa saa moja na nusu kuanzia saa sita usiku hadi saa saba na nusu, kilionesha jinsi mazingira machafu ya utengenezaji wa minofu ya samaki na watoto wadogo wanavyofanyiashwa kazi mjini Mwanza, Tanzania.

 

Pia katika program hiyo imeonesha jinsi wanawake wanavyojiuza mjini Mwanza, kuwahoji wagonjwa wa ukimwi na uwanja wa ndege wa Mwanza unavyotumika kuleta silaha ambazo nyingi zinatumika kwa nchi jirani kwa kuwa hauna ulinzi imara.

 

Kipindi hicho ambacho juzi kilikuwa gumzo kubwa hapa London kwa Watanzania wanaioshi na kufanya kazi hapa, kimeiweka jina zuri la Tanzania gizani kutokana na kuoneshwa sehemu kubwa ya maovu na mabaya na hakukuwa hata moja zuri katika muda wa saa moja na nusu ya prpgram hiyo.

 

Mtayarishaji wa kipindi hicho alionesha jinsi samaki aina ya sangara wanavyovuliwa na kwenda kuchuna minofu na baada ya hapo vinchwa  vya samaki hao vinapelekwa sehemu nyingine ambayo kinamama wanavianika, 

 

Lakini mpiga  picha huyo aliweza kuonesha vichwa hivyo vya sangara vinavyotoa funza kutokana na mvua zilizokuwa zinanyesha, pia walionesha jinsi watoto wadogo wanavyofanya vibarua katika pwani ya ziwa Victoria, hali ambayo mtangazaji alidai ni ukiukwaji wa haki za binadamu.

 

Katika programu hiyo ya BBC, pia walionesha jinsi uwanja wa mdege wa Mwanza husivyokuwa na ulinzi na hivyo kila ndege inatua hapo hata kama haifanyi kazi ya kuchukua samaki, hali aliyaodai kuwa muda mwingine ndege nyingine zinaleta siraha au madawa ya kulevya.

 

Baadhi ya Watanzania walihojiwa na mwandishi wa habari hizi kuhusu kipindi hicho ambacho kinadaiwa kimekuwa kikirushwa mara kwa mara katika televisheni hiyo, wamesikitishwa kwa jinsi filamu hiyo inavyoielezea Tanzania na lengo lilikuwa ni kuichafua jina zuri  la nchi.

 

Alipotafutwa juzi, balozi wa Tanzania hapa Uingereza, Haassan Kibelloh ili kujua msiimamo wa Serikali kuhusu programu hiyo inayooneshwa mara kwa mara katika BBC, inadaiwa hakuwepo hapa na badala yake yupo Tanzania kwa shughuli nyingine za kikazi.

 

Lakini afisa mmoja wa ubolozi huo, ambae hakupenda jina lake litajwe alisema walishapata taarifa hizo na baadhi yao kukiona kipindi hicho na kuahidi Serikali inalifahamu hilo na inalifanyika kazi kwa kasi na nguvu na tayari kulikuwa na kikao cha maofisia kuhusu hiyo programu.

 

Bw. Ahemd Ali, Mtanzania anaehishi London alisema lengo la BBC ilikuwa labda kushindana na televisheni ya Sky inayoonesha kipiondi cha Tanzania Vision chenye kuelezea mazuri ya Tanzania, hivyo wanataka kuonesha wao wanavyoijua Tanzania.

 

“Sky wamekuwa wakionesha kipindi cha Tanzania kila Ijumaa, ambapo tumekuwa tukionea mengi kuhusu nchi yetu ambayo kweli inavutia watu wengi, sasa hao naona wanataka kupingana na hilo, “ alisema Bw. Ali.

 

Hata hivyo juhudi za kuwatafuta waandaji wa kipindi cha Tanzania Vision chenye lengo la kuitangaza Tanzania hapa Ulaya, Bw. Juma Pinto na Bw. Abuu Faraji kuhusu maoni yao kuhusu kipindi hicho, hawakuweza kupatikana na mmoja wa maofisa katika ofisi yao walidai kuwa wapo Ujerumani kwenye fainali ya kombe la Dunia.

 

Mfanyabiashara maarufu, Emanuel Sindi anayefanya biashara na wenzake wa Uingereza alioenakana kusononekana na hiyo program na kudai kuwa inaondoa uaminifu mkubwa kwa nchi yetu na kufikilia sehemu kubwa ya Tanzania ndivyo inavyoonekana au mazingira yote ndicyo yalivyo.

 

 
"Sisi wafanyabishara tumejenga heshima kubwa na inaonyesha namna wafanyabiashara wa Tanzania wanavyoweza kujenga uaminifu na heshima katika mashirikisho ya kimataifa na hii pia ni heshima kwa Rais Jakaya Kikwete, lakini vipindi kama hivi vinatuondolea heshma yetu katika mataifa ya nje,” alisema.

 

Bw.Sindi alisema amekuwa akingalia kipindi cha Tanzania Vision mara kwa mara, kimekuwa kikielezea mambo mazuri ya Tanzania, tunaona mlima Kilimanjaro, jinsi viwanfda vyetu vinavyofanya kazi, hutuba za Rais Kikwete, sasa hawa BBC wanaonesha vitu gain hivi?

 

Profesa Harun Kundi yeye alisema kuwa Serikali haina budi kuchukua hatua za hara kukikomemsha programu hiyo kurushwa tena katika teelevisheni ya BBC, la sivyo heshama ya nchi yetu na sisi Watanzania itapungua huku Ulaya

 

“Hiki kipindi kimewauma watu wengi sana, mimi sikutaka hata kuendelea kuangalia kwani ni mambo ambayo hayakufaha kuoneshwa na hata hizo picha zilivyokuwa vinapigwa inaonekana mpigaji alikuwa anaiba tena kwa kujificha, sasa hii si sheria,” alisema Bw. Kundi kwa masikitiko.

 

Serikali ya awamu ya nne inafanya jitihada za makusudi kuhakikisha kuwa Tanzania inajitangaza nje kwa lengo la kuvutia watalii na wawekezaji na hivi karibuni Waziri Mkuu, Edward Lowassa alipokuwa njiani kwenda Marekani alipata nafasi ya kukutana na viongozi wa kampuni ya Jambo hapa London na kuwaomba kuongeza juhudi zao katika kuitangaza nchi.